A  A  A  
   १) सीमा प्रश्नावर लवकरच बैठक : मुख्यमंत्र्यांचे आश्वासन    २) थोडा देशहिताचाही विचार करा : भूसंपादन विधेयकाबाबत गडकरींचे सोनियांना प्रत्युत्तर    ३) सिंधुदुर्ग पर्यटन विकासासाठी ३०० कोटी, येत्या वर्षात १०० कोटी मिळणार : तीन वर्षांचा कालबद्ध कार्यक्रम    ४) सरकार उभारणार नरसिंहरावांचे स्मारक !    ५) ३ एप्रिलपासून बंगळुरूत भाजपाच्या राष्ट्रीय कार्यकारिणीची बैठक    ६) चंद्रपूर जिल्ह्यात आजपासून दारूबंदी    ७) केंद्राने दिलेल्या दोन हजार कोटी रुपयांच्या मदतीचे वाटप सुरू : खडसे
Home
महाराष्ट्र भाजपा > प्रदेश अध्यक्ष
प्रदेशाध्यक्षClose

Scroll Left
भा ज पा ने १६० कार्यकर्त्यांना...
Posted By: NDTV

Scroll Left

श्री. रावसाहेब दादाराव दानवे

केंद्रीय राज्यमंत्री – ग्राहक संरक्षण, अन्नधान्य आणि सार्वजनिक वितरण, महाराष्ट्र प्रदेश अध्यक्ष

 

Image Not Avail

११, वसंत स्मृती, संभाजीनगर, जालना -४३१२०३
स्वीय सहाय्यक – रामेश्वर सवडे : ९४२१४२२१९०
कार्यालय – ०२४८२ -२३२ ४००/ ९४२३१८०२८०
rddanvepatil.bho@gmail.com, rdpatildanve@rediffmail.com
https://www.facebook.com/ravsahebdanvepatil
http://en.wikipedia.org/wiki/Raosaheb_Dadarao_Danve

 

मे २०१४ मध्ये झालेल्या लोकसभेच्या सार्वत्रिक निवडणुकीत महाराष्ट्राच्या जालना लोकसभा मतदार संघातून भाजपा चे उमेदवार म्हणून श्री. रावसाहेब दादाराव दानवे – पाटील चौथ्यांदा विजयी झाले. लगोलग पंतप्रधान नरेंद्र मोदी यांनी आपल्या मंत्रीमंडळात त्यांना राज्यमंत्रीपदी नियुक्त केले. ते अन्न आणि सार्वजनिक वितरण - पुरवठा आणि ग्राहक संरक्षण खात्यांचे केंद्रीय राज्यमंत्री झाले.
दरम्यान, महाराष्ट्रात देखील सत्ताबदल झाला. ऑक्टोबर २०१४ मध्ये महाराष्ट्र विधानसभेच्या निवडणुका होऊन भाजपाचे तत्कालीन प्रदेशाध्यक्ष श्री. देवेंद्र फडणवीस यांच्या नेतृत्वाखाली पुन्हा एकदा युतीचे सरकार सत्तेवर आले. श्री. फडणवीस जी यांनी मुख्यमंत्री म्हणून राज्याची सूत्रे हाती घेतली. पण ‘एक व्यक्ती एक पद’ या सूत्रानुसार श्री. फडणवीस यांना प्रदेशाध्यक्ष पदाचा राजीनामा द्यावा लागणार होता. नव्या प्रदेशाध्यक्षाचा शोध सुरु झाला.
केंद्र सरकारमध्ये राज्यमंत्रीपद मिळून देखील कर्तृत्वाला मर्यादा आल्याने बेचैन असलेले रावसाहेब दानवे यांनी संधी ओळखून आपण पक्षासाठी मंत्रिपदाचा राजीनामा देण्यास तयार असल्याचे पक्षनेतृत्वाला सूचित केले. आणि अखेर जानेवारी २०१५मध्ये त्यांची महाराष्ट्र प्रदेश भाजपा चे अध्यक्ष म्हणून नियुक्ती करण्यात आली. पक्षाचे राष्ट्रीय अध्यक्ष श्री. अमित शाह यांनी तसे नियुक्तीचे पत्र श्री. दानवे यांना दिले.
संसदेत खासदार असतानाच महाराष्ट्रात पक्षाचे प्रदेश अध्यक्ष अशी दुहेरी जबाबदारी सांभाळणारे श्री. रावसाहेब दादाराव दानवे पाटील हे राज्यातील पक्षाचे केवळ दुसरे नेते आहेत. या आधी कै. सुर्यकांत वहाडणे पाटील यांनी अशी जबाबदारी यशस्वीरीत्या सांभाळली होती. गेल्या तीस वर्षांहून अधिक काळ पक्षीय राजकारणात असलेल्या श्री. रावसाहेब दानवे यांनी ग्रामपंचायतीच्या सरपंचपदापासून लोकसभेतील खासदार आणि केंद्र सरकार मध्ये राज्यमंत्रीपदापर्यंत विविध पदे भूषविली आहेत. याआधी महाराष्ट्र प्रदेश भाजपाचे ते एकदा सरचिटणीस तर दोन वेळा उपाध्यक्ष सुद्धा होते. मितभाषी आणि प्रचंड जनसंपर्क असलेले, ग्रामीण भागाशी असलेली नाळ जपणारे नेते म्हणूनच श्री. दानवे ओळखले जातात. सरपंच झाल्यानंतर ते दोन वेळा आमदार आणि चार वेळा लोकसभेवर भाजपाचे खासदार म्हणून निवडून आले आहेत.
राज्याच्या मराठवाड्यासारख्या अविकसित भागातील जालना जिल्ह्यात जवखेडा येथे १८ मार्च १९५५ रोजी जन्मलेले श्री. रावसाहेब दादाराव दानवे पाटील पदवीधर आहेत. मात्र महाविद्यालयीन शिक्षण घेऊन देखील ते शेतीतच रमले. ग्रामीण भागात विकासाच्या वाटा शोधत ते ग्रामपंचायतीचे सरपंच झाले. पुढे दोन वेळा भोकरदन विधानसभा मतदारसंघातून निवडून येवून ते आमदारही झाले. याच काळात त्यांनी सहकार तसेच शिक्षण क्षेत्रात भरीव कामगिरी केली. भोकरदनचा रामेश्वर सहकारी साखर कारखाना त्याचप्रमाणे जिल्हा व तालुक्यात विविध शाळा – महाविद्यालये, शिक्षण संस्था त्यांनी उभारल्या, त्यांचे अध्यक्षपदही भूषविले. जालना जिल्हा मध्यवर्ती सहकारी बँक, जिल्हा दूध उत्पादक संघ, जिनिंग – प्रेसिंग संघ, कृषी उत्पन्न बाजार समिती यातही अध्यक्ष पदी ते राहिले आहेत. जालना जिल्ह्याच्या पक्षीय राजकारणातसुद्धा ते सक्रीय होते. भाजपाचे तालुकाध्यक्ष आणि जिल्हाध्यक्षपद त्यांनी जसे भूषविले आहे तसेच प्रदेश सरचिटणीसपदी देखील ते होते.
आपल्या संघटन कौशल्यामुळे नंतरच्या काळात सलग चार वेळा त्यांनी लोकसभेत जालना जिल्ह्याचे प्रतिनिधित्व केले. मे २०१४च्या लोकसभा निवडणुकीत रावसाहेब दानवे मोठ्या मताधिक्याने निवडून आले आणि केंद्रात राज्यमंत्री देखील झाले. राज्य विधानसभेच्या निवडणुकीत भाजपाने त्यांच्या नेतृत्वाखाली जालना जिल्ह्यातून तीन जागा जिंकल्या आहेत. खासदार या नात्यानेही श्री. दानवे जीं नी लोकसभेत भरीव कामगिरी केली आहे. संसदेच्या पंचायत राज समितीचे अध्यक्ष तर कृषी तसेच रसायने आणि खते विषयक संसदीय स्थायी समितीचे ते सदस्य होते. ग्रामीण विकास मंत्रालयाच्या संसदीय सल्लागार समितीचेही ते सदस्य होते.

संबंधित व्हिडीओ
 
संबंधित छायाचित्र
 
 
  महाराष्ट्र
नंदुरबार
धुळे
जळगाव
बुलढाणा
अकोला
वाशिम
अमरावती
वर्धा
नागपूर
भंडारा
गोंदिया
गडचिरोली
चंद्रपूर
यवतमाळ
नांदेड
हिंगोली
परभणी
जालना
औरंगाबाद
नाशिक
ठाणे
मुंबई उपनगर
मुंबई शहर
रायगड
पुणे
अहमदनगर
बीड
लातूर
उस्मानाबाद
सोलापूर
सातारा
रत्नागिरी
सिंधुदुर्ग
कोल्हापूर
सांगली

Copyright © 2013 BJP Maharashtra. All rights reserved. | Privacy Statement
Powered By GyaanTech Software Solution Pvt. Ltd | Email: info@gyaantech.com